ஈரோடு கலை மற்றும் அறிவியல் கல்லூரியில், முன்னாள் மாணவ, மாணவியர்கள் மகா சந்திப்பு நிகழ்ச்சியில், கல்லூரியின் முன்னாள் மாணவரான அமைச்சர் தங்கமணி கலந்துகொண்டுள்ளார்.
கல்லூரியில், சிறப்பு அழைப்பாளராக வந்துள்ள தமிழக மின்சாரத்துறை அமைச்சர் தங்கமணி, குத்து விளக்கு ஏற்றி விழாவை துவக்கி வைத்தார். கல்லூரி சார்பில் அவருக்கு சிறப்பான வரவேற்பு அளிக்கப்பட்டது. இந்த விழாவில் 200 க்கும் மேற்பட்ட முன்னாள் மாணவ மாணவியர்கள் கலந்து கொண்டுள்ளனர். சட்டமன்ற உறுப்பினர்கள் கே.வி.ராமலிங்கம், தென்னரசு ஆகியோரும் விழாவில் கலந்து கொண்டுள்ளனர். இந்த விழாவில், கல்லூரியின் சிறந்த முன்னாள் மாணவருக்கான விருது, அமைச்சர் தங்கமணிக்கு வழங்கப்பட்டது.