இயக்குநர் கவுதம் வாசுதேவ் மேனன் இயக்கத்தில் தனுஷ், மேகா ஆகாஷ், சசிகுமார் நடித்துள்ள படம் “எனை நோக்கி பாயும் தோட்டா”. இரண்டு ஆண்டுகளுக்கு மேலாக இப்படத்தின் படப்பிடிப்பு நடைபெற்று வந்தது. தர்புகா சிவா இசையமைத்த இப்படத்தின் பாடல்கள் வெளியாகி ரசிகர்களிடையே பெரும் வரவேற்பை பெற்றது. குறிப்பாக பலரின் ஆல் டைம் பேவரைட் ஆக இன்று வரை உள்ளது. 2017ம் ஆண்டு காதலர் தினத்துக்கு படம் வெளியாகும் என அறிவிக்கப்பட்டது. பின்னர் படத்தை ரிலீஸ் செய்யும் தேதி பல முறை அறிவிக்கப்பட்டு தள்ளிவைக்கப்பட்டது.
இதற்கிடையில் தனுஷ் நடிப்பில் கொடி,விஐபி-2,வடசென்னை,மாரி-2 என நான்கு படங்கள் வெளியாகின. ஹீரோயின் மேகா ஆகாஷ் நடிப்பிலும் பேட்ட, வந்தா ராஜாவாதான் வருவேன் படங்கள் வெளியாகின.
இந்த நிலையில் தயாரிப்பாளர் எஸ்கேப் ஆர்டிஸ்ட் மதன், “எனை நோக்கி பாயும் தோட்டா” படம் முடிந்து சென்சாருக்கு அனுப்பப்பட்டுள்ளது. 2,3 நாட்களில் சென்சார் சான்றிதழ் கிடைத்துவிடும். பொறுமை காத்தத்துக்கு நன்றி! என ட்வீட் செய்துள்ளார்.
இதனால் தனுஷ் ரசிகர்கள் மட்டுமின்றி அனைத்து தரப்பு ரசிகர்களும் உற்சாகமடைந்துள்ளனர்.