ஆந்திர மாநிலம் கடப்பா அருகே செம்மரம் வெட்டி கடத்த முயன்ற தமிழகத்தை சேர்ந்த 9 பேர் உள்பட 11 பேரை காவல்துறையினர் கைது செய்தனர்.
கடப்பா மாவட்டம் பொரதட்டூர் பகுதியில் காவல்துறையினர் சோதனையில் ஈடுபட்டு வந்தனர். அப்போது சந்தேகத்திற்கு இடமாக இருந்த 4 பேரை பிடித்து விசாரணை மேற்கொண்டதில், வனப்பகுதியில் மறைத்து வைக்கப்பட்டிருந்த 1 புள்ளி 58 டன் எடை கொண்ட 58 செம்மர கட்டைகளை காவல்துறையினர் பறிமுதல் செய்தனர். செம்மர கடத்தலுக்காக நிறுத்தி வைத்திருந்த வாகனங்களையும் பறிமுதல் செய்த காவல்துறையினர், பொரதட்டூரை சேர்ந்த இருவர் மற்றும் தமிழ்நாட்டை சேர்ந்த 9 பேரை கைது செய்தனர்.