அந்தியூர் அருகே தொடர்ச்சியாக வாழை மரங்களை சேதப்படுத்தும் யானைகளின் அட்டகாசத்தை கட்டுபடுத்த சேதமடைந்த அகழியை தூர்வார வேண்டும் என்று பொதுமக்கள் கோரிக்கை விடுத்துள்ளனர்.
அந்தியூர் அருகே உள்ள வட்டக்காடு பகுதியில் அதிகளவு செவ்வாழை மரங்கள் சாகுபடி செய்துள்ளனர். இந்நிலையில் இரவில் யானைகள் வாழை மரங்களை சேதப்படுத்துவது வாடிக்கையாகிவிட்டது. நேற்று இரவும் வாழைத் தோட்டத்துக்குள் புகுந்த யானைகள், பல ஏக்கர் வாழை மரங்களை சாப்பிட்டும் காலால் மிதித்தும் சேதப்படுத்தியுள்ளது. தொடர்ச்சியாக காட்டுப் பன்றிகள் மற்றும் யானைகளால் விவசாய விளைபொருட்கள் சேதமாகி வருகின்றன. இதனால் வனத்துறை மூலம் தோண்டப்பட்ட அகழியை, தூர்வார நடவடிக்கை எடுக்க வேண்டும் என்று பாதிக்கப்பட்ட விவசாயிகள் கோரிக்கை விடுத்துள்ளனர்.