குடிபோதையில் காரை ஓட்டி வந்த விபத்தை ஏற்படுத்திய இளைஞர்கள்

நள்ளிரவில் குடித்துவிட்டு கார் ஓட்டிவந்த இளைஞர்கள் சாலையில் நடந்துவந்த காவலாளி மீது ஏற்றியதால், அவர் சம்பவ இடத்திலேயே உயிரிழந்தார்.

சென்னை ஜெமினி சிக்னலில் இருந்து கோடம்பாக்கத்தை நோக்கி  சொகுசுகாரில் தாறுமாறாக சென்றுள்ளனர். அப்போது கட்டுப்பாட்டை இழந்த கார், அவ்வழியாக  நடந்து சென்ற மெட்ரோ வாட்டர்   காவலாளி மீது மோதியது. இதில் நிலைதடுமாறி கீழே விழுந்த காவலாளி தூக்கி வீசப்பட்டு, சம்பவ இடத்திலேயே  பரிதாபமாக உயிரிழந்தார். இதையடுத்து அங்கிருந்த பொதுமக்கள் காரை மறித்து அவர்களுடன் வாக்குவாதத்தில் ஈடுபட்டனர்..  ஆனால் போதையில் இருந்த இளைஞர்கள், பொதுமக்களை  வாயில் வந்ததையெல்லாம்  சொல்லி திட்டினர்.. தகவலறிந்து வந்த காவல் துறையினர் , இளைஞர்களை கைதுசெய்தனர்.