நடிகர் விஜய்யின் 65வது படத்தை இயக்கப்போவது யார் என்ற பட்டியலில் இயக்குநர் சுதா கொங்காரா பெயரும் இணைந்துள்ளது.
இயக்குநர் லோகேஷ் கனகராஜ் இயக்கத்தில் நடிகர் விஜய் நடித்து வரும் மாஸ்டர் படம் ஏப்ரல் மாதம் வெளியாகவுள்ளது. இந்த படத்தின் 3 போஸ்டர்களும் ரசிகர்களிடம் பெரும் வரவேற்பை பெற்றது.
இந்நிலையில் சூரரைப் போற்று திரைப்படத்தை இயக்கியுள்ள இயக்குநர் சுதா கொங்காரா நடிகர் விஜய்யின் அடுத்த படத்தை இயக்கப்போவதாக தகவல் வெளியாகியுள்ளது. மாறுபட்ட கதையில் நடிக்க விஜய் விரும்பியதாகவும், இயக்குநர் சுதா கொங்காரா சொல்லிய ஒன்லைன் கதை பிடித்துபோனதால் ‘thalapathy65’ படத்தின் வாய்ப்பு இவருக்கு தான் கிடைக்கும் என கூறப்படுகிறது.
ஏற்கனவே இந்த பட்டியலில் இயக்குநர்கள் பேரரசு, மோகன் ராஜா, பாண்டிராஜ், வெற்றிமாறன் , மகிழ் திருமேனி ஆகியோரின் பெயர்கள் இடம் பெற்ற நிலையில் தற்போது இயக்குநர் சுதா கொங்காரா பெயரும் சேர்க்கப்பட்டுள்ளது.