சென்னையில் காங்கிரஸ் கட்சி சார்பாக நடைப்பெற்ற வேட்பாளர்கள் அறிமுக கூட்டத்தை திமுகவினர் புறக்கணித்தனர். அயனாவரத்தில் காங்கிரஸ் கட்சியின் சார்பாக வேட்பாளர்கள் அறிமுக கூட்டம் நடைப்பெற்றது. கட்சியின் மாவட்ட தலைவர் வீரபாண்டியன் தலைமையில் நடைப்பெற்ற இந்த கூட்டத்தில் வடசென்னை திமுக வேட்பாளர் கலாநிதி வீராசாமி மற்றும் மத்திய சென்னை வேட்பாளர் தயாநிதி மாறன் ஆகியோரின் அறிமுக கூட்டம் மற்றும் செயல்வீரர்கள் கூட்டம் நடைப்பெற்றது.
இந்த கூட்டத்தில் திமுக பகுதி செயலாளர்கள், திமுக வட்ட செயலாளர்கள் உள்ளிட்ட திமுகவினர் கலந்து கொள்ளவில்லை. மாலை 6 மணிக்கு தொடங்கிய கூட்டத்திற்கு இரவு 10 மணி வரை வேட்பாளர்கள் வராததால் அங்கிருந்தவர்கள் அதிருப்தி அடைந்தனர். மேலும் வீரபாண்டியனிடம் வாக்குவாதத்திலும் ஈடுபட்டதால் அங்கு சலசலப்பு ஏற்பட்டது.