காவிரி வேளாண் மண்டல சட்டத்தை தடுக்கும் திமுக -முதலமைச்சர் குற்றச்சாட்டு!

ஹைட்ரோ கார்பன் திட்ட விவகாரத்தில் திமுக அரசியல் ஆதாயம் தேட முயற்சித்தால் அது நிறைவேறாது என முதலமைச்சர் எடப்பாடி பழனிசாமி திட்டவட்டமாக தெரிவித்துள்ளார். சட்டப்பேரவையில் பேசிய முதலமைச்சர், காவிரி டெல்டாவை பாதுகாக்கப்பட்ட சிறப்பு வேளாண் மண்டலமாக அறிவித்த சட்டத்தை தடுக்கும் வகையில், திமுக செயல்படுவதாக குற்றம்சாட்டினார். பிள்ளையை கிள்ளிவிட்டு, தொட்டிலை ஆட்டுவது போல் திமுக செயல்படுவதாக முதலமைச்சர் விமர்சித்தார். இது மாநில அரசுக்கு உட்பட்ட சட்டம் என மத்திய அமைச்சர் நாடாளுமன்றத்தில் தெளிவாக தெரிவித்து விட்டார் எனவும் முதலமைச்சர் விளக்கம் அளித்தார்.