சென்னை மதுரவாயிலில் திருடு போன செல்போனை பிரத்யேக செயலி மூலம் கண்டுபிடித்த இளைஞர் திருடர்களை காவல்துறையினரிடம் ஒப்படைத்தார்.
மதுரவாயில் அடுத்த ஆலப்பாக்கத்தைச் சேர்ந்த வெங்கடேஷ் தனியார் நிறுவனத்தில் பணி செய்து வருகிறார். இந்நிலையில் மர்ம நபர்கள் சிலர் அவரது அறையில் நுழைந்து செல்போனை திருடிச் சென்றனர். இதுகுறித்து காவல்நிலையத்தில் புகாரளித்த அவர், தான் ஏற்கனவே பதிவிறக்கம் செய்து வைத்திருந்த போன் டிராக்கர் (phone tracker) செயலி மூலம் செல்போனை தேடும் பணியில் ஈடுபட்டார். காணாமல் போன போன்கள் மீண்டும் ஆன் ஆனதும் செயலியில் பதியப்பட்ட மற்றொரு செல்போன் எண்ணுக்கு தகவல் வந்துள்ளது. இதன்மூலம் வானகரம் பகுதியில் செல்போன் இருக்கும் இடத்தைக் கண்டுபிடித்த அவர் நேரில் சென்று செல்போனை கைப்பற்றியதுடன் திருடர்களை காவலர்களிடம் ஒப்படைத்தார்.