பிரபல திரைப்பட இயக்குநர் மகேந்திரன் காலமானார்

பிரபல திரைப்பட இயக்குநர் மகேந்திரன் உடல் நலக் கோளாறு காரணமாக சென்னையில் இன்று காலமானார். அவருக்கு வயது 79.

முள்ளும் மலரும், உதிரிப்பூக்கள், ஜானி போன்ற காலத்தால் அழியாத திரைப்படங்களை இயக்கியவர் இயக்குநர் மகேந்திரன். ரஜினியின் பேட்ட, விஜயின் தெறி போன்ற படங்களில் நடித்தும் உள்ளார். கடந்த சில நாட்களாக உடல் நலக் கோளாறு காரணமாக சென்னையிலுள்ள தனியார் மருத்துவமனையில் மகேந்திரன் சிகிச்சை பெற்று வந்தார்.

இந்நிலையில், சிகிச்சை பலனின்றி இன்று காலை அவர் காலமானார். மகேந்திரனின் மரணம் திரைத்துறையினர் மத்தியில் சோகத்தை ஏற்படுத்தியுள்ளது. பல்வேறு திரை பிரபலங்கள் சமூக வலைதளங்களில் அவருக்கு இரங்கல் தெரிவித்து வருகின்றனர். பள்ளிக்கரணையில் உள்ள இல்லத்தில் மகேந்திரனின் உடல் பொதுமக்கள் மற்றும் திரையுலகினரின் அஞ்சலிக்கு வைக்கப்பட்டுள்ளது