தமிழகத்தில் தொடர்ந்து மூன்றாவது நாளாக டீசல் விலை இறங்கு முகத்தில் காணப்படுகிறது.
கடந்த சில மாதங்களாக, நாடு முழுவதிலும் பெட்ரோல், டீசல் விலைகள் உயர்ந்துவந்த நிலையில், தமிழகம் உள்ளிட்ட பல மாநிலங்களில் ஒரு லிட்டர் பெட்ரோல், 100 ரூபாயைத் தாண்டியது. இந்த நிலையில், தமிழக பட்ஜெட்டின்படி, பெட்ரோல் விலை 3 ரூபாய் குறைக்கப்பட்டு,
கடந்த ஒரு வாரமாக, ஒரு லிட்டர் பெட்ரோல் 99 ரூபாய் 47 காசுகளுக்கு விற்பனை ஆகிறது. இதனிடையே, கடந்த ஒரு மாதத்துக்குப் பிறகு, டீசல் விலை தொடர்ந்து இறங்குமுகத்தில் காணப்படுகிறது. நேற்றும், நேற்று முன் தினத்தைத் தொடர்ந்து இன்றும் டீசல் லிட்டர் ஒன்றுக்கு 18 காசுகள் குறைந்து 93 ரூபாய் 84 காசுகளுக்கு விற்பனையாகிறது.