டெல்லி சட்டப்பேரவை தேர்தலுக்கான வாக்குப்பதிவு விறுவிறுப்பாக நடைபெற்று வருகிறது.
டெல்லி சட்டப்பேரவையின் 70 தொகுதிகளுக்கும் இன்று ஒரே கட்டமாக தேர்தல் நடைபெறுகிறது. இந்த தேர்தலில் பாஜக, காங்கிரஸ், ஆம் ஆத்மி ஆகிய கட்சிகளுக்கு இடையே மும்முனை போட்டி நிலவுகிறது.
இந்நிலையில், காலை 8 மணிக்கு வாக்குப்பதிவு தொடங்கியது. மொத்தம் 13, 750 வாக்குச்சாவடிகளில் வாக்குப்பதிவு நடைபெறுகிறது. அனைத்து வாக்குச்சாவடிகளிலும் பாதுகாப்புக்காக காவல்துறையினர் குவிக்கப்பட்டுள்ளனர். காலை முதலே ஏராளமான வாக்குச்சாவடிகளில் நீண்ட வரிசையில் காத்திருந்து பொதுமக்கள் தங்கள் ஜனநாயக கடமையை ஆற்றி வருகின்றனர்.