ஜெய்ப்பூர் பிங்க் பேந்தர்ஸ் அணிக்கு எதிரான புரோ கபடி லீக் போட்டியில் டெல்லி தபாங் அணி போராடி வெற்றி பெற்றது.
பெங்களூருவின் கந்திரவா மைதானத்தில் நடைபெற்ற போட்டியில் இரு அணிகளும் தொடக்கம் முதலே புள்ளிகளை குவித்து வந்தன. முதல் பாதியில் டெல்லி அணி 21-19 என முன்னிலை பெற்றது. இரண்டாவது பாதியில் ஜெய்ப்பூர் அணி முன்னணி வகித்தது. இறுதியில் டெல்லி தபாங் அணி 46-44 என்ற புள்ளிகளில் போராடி வெற்றி பெற்றது. இந்த வெற்றியின் மூலம் 54 புள்ளிகளுடன் டெல்லி அணி முதலிடத்தை தக்க வைத்தது.
இதேபோல் பெங்களூர் மற்றும் பாட்னா அணிகள் மோதிய மற்றொரு லீக் போட்டியில் 2 புள்ளிகள் வித்தியாசத்தில் பெங்களூர் அணி திரில் வெற்றி பெற்றது. போட்டியின் இறுதி கட்டத்தில் இரு அணிகளும் சமமான புள்ளிகளை பெற்றிருந்த நிலையில் கடைசி ரைடு சென்ற பெங்களூர் அணியின் பவன்குமார் இரண்டு புள்ளிகளை எடுத்து அணியின் வெற்றிக்கு வழிவகுத்தார். இந்த வெற்றியின் மூலம் பெங்களூர் அணி 43 புள்ளிகள் குவித்து தரவரிசைப் பட்டியலில் இரண்டாவது இடம் பிடித்தது.