டெல்லியில் இன்று நடைபெற்ற பாதுகாப்பு அமைச்சரவை கூட்டம்

காஷ்மீரில் நடந்த பயங்கரவாத தாக்குதல் தொடர்பாக ஆலோசிக்க டெல்லியில் பிரதமர் மோடி தலைமையில் பாதுகாப்பு விவகாரங்களுக்கான அமைச்சரவைக் குழுக் கூட்டம் நடைபெற்றது. பாதுகாப்பு தொடர்பான மத்திய அமைச்சரவை குழு கூட்டம் இன்று கூடியது. பிரதமர் மோடி தலைமையில் நடைபெற்ற இந்த ஆலோசனைக் கூட்டத்தில், உள்துறை அமைச்சர் ராஜ்நாத் சிங், பாதுகாப்புத்துறை அமைச்சர் நிர்மலா சீதாராமன் உள்ளிட்ட மத்திய அமைச்சர்களும் பாதுகாப்புத்துறையை சேர்ந்த மூத்த அதிகாரிகளும் கலந்து கொண்டனர்.இதனிடையே தாக்குதல் நடைபெற்ற இடத்துக்கு செல்லும் மத்திய உள்துறை அமைச்சர் ராஜ்நாத் சிங், காயமடைந்த வீரர்களை சந்தித்து ஆறுதல் கூறவும் திட்டமிட்டுள்ளார். இந்த தாக்குதலுக்கு கண்டனம் தெரிவித்துள்ள பாகிஸ்தான், இதில் தங்களுக்கு தொடர்பில்லை என்றும், தங்கள் மீதான குற்றச்சாட்டுக்களை நிராகரிப்பதாகவும் தெரிவித்துள்ளது.