இந்தியாவில் கடந்த 24 மணி நேரத்தில் 2 லட்சத்து 8 ஆயிரத்து 921 பேர் கொரோனா தொற்றால் பாதிக்கப்பட்டுள்ளதாக மத்திய சுகாதாரத்துறை தெரிவித்துள்ளது.
இதையடுத்து நாடு முழுவதும் கொரோனா தொற்றால் பாதிக்கப்பட்டவர்களின் ஒட்டுமொத்த எண்ணிக்கை 2 கோடியே 70 லட்சத்தைக் கடந்துள்ளது.
கொரோனா பாதிப்பு நேற்று இரண்டு லட்சத்துக்கும் கீழ் குறைந்த நிலையில், இன்று மீண்டும் அதிகரித்துள்ளது.
தொற்று பாதிப்பில் தமிழ்நாடு தொடர்ந்து முதலிடத்தில் உள்ளது.
தமிழகத்தில் கடந்த 24 மணி நேரத்தில் 34 ஆயிரத்து 285 பேர் நோய் தொற்றால் பாதிக்கப்பட்டுள்ளனர்.
நேற்று மட்டும் 4ஆயிரத்து 157 பேர் உயிரிழந்ததால், ஒட்டுமொத்த உயிரிழப்பு 3 லட்சத்து 11 ஆயிரத்தைக் கடந்துள்ளது.
கொரோனா தொற்றிலிருந்து குணமடைபவர்களின் எண்ணிக்கை தொடர்ந்து அதிகரித்து வருகிறது.
கடந்த 24 மணி நேரத்தில் 2 லட்சத்து 95 ஆயிரத்துக்கும் மேற்பட்டோர் தொற்றிலிருந்து முழுமையாக குணமடைந்துள்ளனர்.
இதுவரை 20 கோடிக்கும் மேற்பட்டோருக்கு தடுப்பூசி செலுத்தப்பட்டுள்ளதாக மத்திய சுகாதாரத்துறை தெரிவித்துள்ளது.