கொரோனா வைரஸ் குறித்து மாணவர்களுக்கு விழிப்புணர்வு ஏற்படுத்தும் விதமாக, பள்ளிகளில் இறைவணக்கத்தின் போது கைகளை சுத்தமாக வைத்துக் கொள்வது தொடர்பாக மருத்துவர்கள் மற்றும் செவிலியர்கள் மூலம் அறிவுரை வழங்கப்பட்டு வருவதாக பள்ளிக் கல்வித்துறை அமைச்சர் செங்கோட்டையன் தெரிவித்துள்ளார்.சென்னை நுங்கம்பாக்கத்தில் தொழில் வர்த்தக கூட்டமைப்பு சார்பில் உடற்பயிற்சி மற்றும் விளையாட்டு சார்ந்த கருத்தரங்கம் நடைபெற்றது.
இதில் பள்ளிக்கல்வித்துறை அமைச்சர் செங்கோட்டையன் கலந்து கொண்டார். பின்னர் செய்தியாளர்களை சந்தித்த அமைச்சர் செங்கோட்டையன், கிராமங்களில் இளைஞர் நலனுக்காக விளையாட்டு மைதானங்கள் அமைக்க நடவடிக்கை எடுக்கப்படும் என்று கூறினார். கொரோனா வைரஸ் குறித்து மாணவர்களுக்கு விழிப்புணர்வு ஏற்படுத்தும் விதமாக பள்ளிகளில் இறைவணக்க கூட்டத்தின் போது மருத்துவர்கள், செவிலியர்கள் மூலம் கைகளை சுத்தம் செய்வது தொடர்பாக மாணவர்களுக்கு அறிவுரை வழங்கப்பட்டு வருவதாக அமைச்சர் செங்கோட்டையன் கூறினார்.