கொரோனா தடுப்பு நடவடிக்கை தீவிரம் : தேர்வுகளை ஒத்திவைக்க கல்லூரிகளுக்கு உத்தரவு!

நாடு முழுவதும் அனைத்து கல்லூரிகள் மற்றும் பல்கலைக்கழக தேர்வுகளை ஒத்திவைக்க, பல்கலைக்கழக மானியக்குழு உத்தரவிட்டுள்ளது. கொரோனா வைரஸ் தடுப்பு நடவடிக்கையாக நாடு முழுவதும் பல்வேறு முன்னெச்சரிக்கை பணிகள் மேற்கொள்ளப்பட்டு வருகின்றன. அந்த வகையில், அனைத்து கல்லூரிகள் மற்றும் பல்கலைக்கழக தேர்வுகளை வரும் 31ம் தேதி வரை ஒத்திவைக்க, யுஜிசி எனப்படும், பல்கலைக்கழக மானியக்குழு உத்தரவிட்டுள்ளது. தற்போது நடைபெற்று வரும் தேர்வுகளை, வரும் 31ம் தேதிக்கு பிறகு வேறு தேதிகளில் நடத்தவும் உத்தரவிடப்பட்டுள்ளது. வரும் 31ம் தேதி வரை விடைத்தாள் திருத்தும் பணி மேற்கொள்ளக் கூடாது எனவும் கல்லூரிகளுக்கு உத்தரவிடப்பட்டுள்ளது.