உலகளவில் கொரோனா வைரசால் பாதிக்கப்பட்டோர் எண்ணிக்கை 99 லட்சத்தை தாண்டிய நிலையில், உயிரிழந்தோர் எண்ணிக்கை 4 லட்சத்து 96 ஆயிரமாக அதிகரித்துள்ளது.
உலகிலேயே அதிகளவாக அமெரிக்காவில் 25 லட்சத்து 52 ஆயிரத்திற்கும் அதிகமானோர் கொரோனாவால் பாதிக்கப்பட்டுள்ள நிலையில், ஒரு லட்சத்து 27 ஆயிரத்திற்கும் அதிகமானோர் உயிரிழந்துள்ளனர். பிரேசிலில் 12 லட்சத்து 80 ஆயிரத்திற்கும் மேற்பட்டோரும், ரஷ்யாவில் 6 லட்சத்து 20 ஆயிரம் பேரும் பாதிக்கப்பட்டுள்ளனர். இந்தியாவில் 4 லட்சத்து 90 ஆயிரம் பேரும், இங்கிலாந்தில் 3 லட்சத்து 9 ஆயிரம் பேரும், ஸ்பெயினில் 2 லட்சத்து 94 ஆயிரம் பேரும் நோய்த் தொற்றுக்கு ஆளாகியுள்ளனர். பெருவில் 2 லட்சத்து 72 ஆயிரம் பேரும் கொரோனாவால் பாதிக்கப்பட்டுள்ளனர். இதேபோன்று, சிலி, இத்தாலி, ஈரான் போன்ற நாடுகளிலும் கொரோனாவின் தாக்கம் அதிகரித்த வண்ணம் உள்ளது. இதுவரை, உலகம் முழுவதும் சுமார் 53 லட்சத்திற்கும் மேற்பட்டோர் நோய் தொற்றிலிருந்து குணமடைந்துள்ளனர் என்பது குறிப்பிடத்தக்கது.