உலகளவில் கொரோனா வைரஸால் 62 லட்சத்துக்கும் அதிகமானோர் பாதிக்கப்பட்டுள்ள நிலையில், பலி எண்ணிக்கை மூன்று லட்சத்து 73 ஆயிரத்தை கடந்துள்ளது.
கொரோனா வைரஸ் தாக்கம் அமெரிக்காவில் தொடரும் நிலையில், அங்கு ஒரு லட்சத்து 6 ஆயிரத்துக்கும் மேற்பட்டோர் பலியாகி உள்ளனர். பாதிக்கப்பட்டோர் எண்ணிக்கை 18 லட்சத்து 37 ஆயிரத்தை தாண்டியுள்ளது. பிரேசிலில் 5 லட்சத்து 14 ஆயிரம் பேரும், ரஷ்யாவில் 4 லட்சத்து 5 ஆயிரம் பேரும் பாதிக்கப்பட்டுள்ளனர். ஸ்பெயினில் 2 லட்சத்து 86 ஆயிரம் பேரும், இங்கிலாந்தில் 2 லட்சத்து 74 ஆயிரம் பேரும் கொரோனா தொற்றுக்கு ஆளாகியுள்ளனர். இத்தாலியில் 2 லட்சத்து 32 ஆயிரம் பேரும், பிரான்ஸில் ஒரு லட்சத்து 88 ஆயிரம் பேரும் கொரோனாவால் பாதிக்கப்பட்டுள்ளனர். இதேபோன்று, ஜெர்மனி, பெரு போன்ற நாடுகளிலும் கொரோனாவின் தாக்கம் அதிகரித்த வண்ணம் உள்ளது. இதுவரை சுமார் 28 லட்சம் பேர் குணமடைந்து வீடு திரும்பியுள்ளனர்.