சென்னையில் கொரோனா பாதிப்பு நிலவரம்!

சென்னையில் கொரோனா பாதிப்பு 22 ஆயிரத்தை தாண்டிய நிலையில், மண்டல வாரியாக பாதிப்பை தற்போது காணலாம்…

அதிகபட்சமாக ராயபுரம் மண்டலத்தில், கொரோனாவால் பாதிக்கப்பட்டோர் எண்ணிக்கை 3 ஆயிரத்து 859ஆக உயர்ந்துள்ளது. தண்டையார்பேட்டையில் 2 ஆயிரத்து 835 பேரும், தேனாம்பேட்டையில் 2 ஆயிரத்து 518 பேரும், கோடம்பாக்கத்தில் 2 ஆயிரத்து 431 பேரும், திரு.வி.க. நகரில் 2 ஆயிரத்து 167 பேரும் கொரோனா தொற்றுக்கு ஆளாகியுள்ளனர். அண்ணாநகரில் ஆயிரத்து 974 பேரும், அடையாறில் ஆயிரத்து 274 பேரும், வளசரவாக்கத்தில் ஆயிரத்து 54 பேரும் கொரோனாவால் பாதிக்கப்பட்டுள்ளனர். திருவொற்றியூரில் 813 பேருக்கும், அம்பத்தூரில் 807 பேருக்கும் கொரோனா தொற்று உறுதிப்படுத்தப்பட்டுள்ளது.