இந்தியாவில், கடந்த 24 மணிநேரத்தில் 36 ஆயிரத்து 401 பேருக்கு கொரோனா தொற்று உறுதி செய்யப்பட்டுள்ளதாக மத்திய சுகாதாரத்துறை தெரிவித்துள்ளது.
மத்திய சுகாதாரத்துறை வெளியிட்டுள்ள அறிக்கையில், ஒரே நாளில் கொரோனா தொற்றுக்கு 530 பேர் உயிரிழந்துள்ளதாக தெரிவிக்கப்பட்டுள்ளது. இதனையடுத்து, உயிரிழந்தோரின் எண்ணிக்கை 4 லட்சத்து 33 ஆயிரத்து 49ஆக அதிகரித்துள்ளது. கடந்த 24 மணிநேரத்தில் 39 ஆயிரத்து 157 பேர் நோய் தொற்றில் இருந்து குணமடைந்த நிலையில், இதுவரை 3 கோடியே 15 லட்சத்து 25 ஆயிரத்து 80 பேர் குணமடைந்து வீடு திரும்பியுள்ளதாக தெரிவிக்கப்பட்டுள்ளது. தற்போது, 3 லட்சத்து 64 ஆயிரத்து 129 பேர் சிகிச்சை பெற்று வருவதாக அறிவிக்கப்பட்டுள்ளது. இது, கடந்த 149 நாட்களில் மிகக் குறைவு என மத்திய சுகாதாரத்துறை தெரிவித்துள்ளது.