இந்தியாவில் கொரோனா தினசரி பாதிப்பு மீண்டும் 40 ஆயிரத்தை தாண்டியுள்ளது.
கடந்த 24 மணிநேரத்தில் 41 ஆயிரத்து 806 பேருக்கு தொற்று உறுதி செய்யப்பட்டுள்ளது. இதன் மூலம், ஒட்டுமொத்த பாதிப்பு 3 கோடியே 9 லட்சத்து 87 ஆயிரமாக அதிகரித்துள்ளது. நேற்று ஒரே நாளில், கொரோனா வைரசுக்கு 581 பேர் உயிரிழந்தனர். இதனை அடுத்து, இறப்பு எண்ணிக்கை 4 லட்சத்து 11 ஆயிரத்து 989 ஆக உயர்ந்துள்ளது. 39 ஆயிரத்து 130 பேர் கொரோனாவிலிருந்து மீண்டு வீடு திரும்பியுள்ளனர். 4 லட்சத்து 32 ஆயிரத்து 41 பேர் வைரசால் பாதிக்கப்பட்டு, சிகிச்சை பெற்று வருகின்றனர். நாடு முழுவதும் இதுவரை 39 கோடியே 13 லட்சத்து 40 ஆயிரம் பேருக்கு தடுப்பூசி போடப்பட்டுள்ளதாக மத்திய சுகாதாரதுறை வெளியிட்ட செய்தி குறிப்பில் தெரிவிக்கப்பட்டுள்ளது.