சென்னையில் மண்டலவாரியாக கொரோனா பாதிப்பு எண்ணிக்கை!

சென்னையில் கொரோனா பாதிப்பு 21 ஆயிரத்தை நெருங்கியுள்ள நிலையில் மண்டல வாரியாக பாதிப்பை தற்போது காணலாம்…

அதிகபட்சமாக ராயபுரம் மண்டலத்தில், கொரோனாவால் பாதிக்கப்பட்டோர் எண்ணிக்கை 3 ஆயிரத்து 717ஆக உயர்ந்துள்ளது. இதற்கு அடுத்தபடியாக, தண்டையார்பேட்டையில் 2 ஆயிரத்து 646 பேரும், தேனாம்பேட்டையில் 2 ஆயிரத்து 374 பேரும், கோடம்பாக்கத்தில் 2 ஆயிரத்து 323 பேரும், திரு.வி.க. நகரில் 2 ஆயிரத்து 73 பேரும் கொரோனா தொற்றுக்கு ஆளாகியுள்ளனர். அண்ணாநகரில் ஆயிரத்து 864 பேரும், அடையாறில் ஆயிரத்து 158 பேரும், வளசரவாக்கத்தில் ஆயிரத்து 43 பேரும் கொரோனாவால் பாதிக்கப்பட்டுள்ளனர். அம்பத்தூரில் 773 பேருக்கும், திருவொற்றியூரில் 784 பேருக்கும் கொரோனா தொற்று உறுதிப்படுத்தப்பட்டுள்ளது.