உலகளவில் தொடர்ந்து அதிகரிக்கும் பாதிப்பு!

உலகிலேயே அமெரிக்காவில் அதிகளவிலான மக்கள் கொரோனாவால் பாதிக்கப்பட்டுள்ளனர். அங்கு பாதிக்கப்பட்டோர் எண்ணிக்கை 17 லட்சத்து 45 ஆயிரமாக உயர்ந்துள்ளது. நேற்று மட்டும் ஆயிரத்து 500க்கும் மேற்பட்டோர் உயிரிழந்த நிலையில், பலி எண்ணிக்கை ஒரு லட்சத்து 2 ஆயிரமாக உயர்ந்துள்ளது. பிரேசிலில் 4 லட்சத்து 11 ஆயிரம் பேரும், ரஷ்யாவில் 3 லட்சத்து 70 ஆயிரம் பேரும் பாதிக்கப்பட்டுள்ளனர். ஸ்பெயினில் 2 லட்சத்து 83 ஆயிரம் பேரும், இங்கிலாந்தில் 2 லட்சத்து 67ஆயிரம் பேரும் கொரோனா தொற்றுக்கு ஆளாகியுள்ளனர். இத்தாலியில் 2 லட்சத்து 31 ஆயிரம் பேரும், பிரான்ஸில் ஒரு லட்சத்து 82 ஆயிரம் பேரும் கொரோனாவால் பாதிக்கப்பட்டுள்ளனர். இதேபோன்று, ஜெர்மனி, துருக்கி போன்ற நாடுகளிலும் கொரோனாவின் தாக்கம் அதிகரித்த வண்ணம் உள்ளது. இதுவரை சுமார் 25 லட்சம் பேர் குணமடைந்து வீடு திரும்பியுள்ளனர்.