ஸ்மார்ட் சிட்டி திட்டத்தின் கீழ், பந்தய சாலை பகுதியில் ஆசியாவிலேயே மிகப்பெரிய மீடியா டவர் அமைக்கும் பணிகள் நடைபெற்று வருகிறது. இந்த மீடியா டவரின் உச்சியில் பொதுமக்களை கவரும் வகையில் சராசரியாக 8 புள்ளி 15 மீட்டர் சுற்றளவு மற்றும் 1 புள்ளி 70 மீட்டர் உயரமுள்ள காணொளி அமைப்பு அமைக்கப்பட்டுள்ளது. இந்த டவர் ஆர்.எஸ். புரம் கலையரங்கத்தில் அமைக்கப்பட்டுள்ள ஒருங்கிணைந்த கட்டளை மற்றும் கட்டுப்பாட்டு மையத்திலிருந்து இயக்குமாறு வசதிகள் ஏற்படுத்தப்பட்டுள்ளது. இன்னும் ஓரிரு வாரங்களில் பொதுமக்கள் பயன்பாட்டுக்கு கொண்டுவரப்படும் என்பது குறிப்பிடத்தக்கது.
