காங்கிரஸ் பொய்களை உற்பத்தி செய்யும் கட்சி என பிரதமர் மோடி கடுமையாக விமர்சித்துள்ளார்.
மத்திய பிரதேசத்தில் தேர்தல் பிரசாரத்தில் ஈடுபட்ட அவர், நடைபெறவுள்ள தேர்தல், வெற்றி – தோல்விகளை தீர்மானிப்பதற்காக அல்ல, மக்கள் நலனில் அக்கறை உள்ளவர்களை தேர்தெடுப்பதற்காக தான் என கூறினார். நான்காம் தலைமுறை கட்சியான காங்கிரஸ் என்ன செய்தது என்றும், நான்கு ஆண்டுகளில் டீ விற்பவர் என்ன செய்யவில்லை எனவும் பிரதமர் மோடி கேள்வி எழுப்பினார்.
மத்திய பிரதேசத்தில் கடந்த 15 ஆண்டுகளாக மட்டுமே பாஜக ஆட்சியில் உள்ளதாக கூறிய அவர், அதற்குமுன் நீண்ட நாட்களாக ஆட்சியில் இருந்த காங்கிரஸ் எதுவுமே செய்யவில்லை என்றும் குற்றம்சாட்டினார். காங்கிரஸ் பொய்களை உற்பத்தி செய்யும் கட்சி என்றும் பிரதமர் மோடி கடுமையாக விமர்சித்தார்.