விழுப்புரம் மாவட்டத்தில் சிறப்பாக பணியாற்றிய காவலர்களை மாவட்ட காவல் கண்காணிப்பாளர் ஜெயக்குமார் நேரில் அழைத்து பாராட்டி வெகுமதி வழங்கினார்.
காவல்துறையில் சமூக அக்கறையோடு பணியாற்றுபவர்களை ஊக்குவிக்கும் வகையில் மாவட்ட காவல்துறை சார்பில் பாராட்டி வெகுமதிகள் வழங்கப்பட்டு வருகிறது. அதன் படி விழுப்புரம் மாவட்ட காவல் கண்காணிப்பாளர் அலுவலகத்தில் கடந்த 15 நாட்களில் சமூக அக்கறையோடும், குற்றவாளிகளை உடனடியாக கண்டறிந்து கைது செய்தமை, வழக்குகளை விரைந்து முடித்தமை உள்ளிட்ட வழக்குகளில் சிறப்பாக பணியாற்றிய ஆய்வாளர்கள், உதவி ஆய்வாளர்கள் பாராட்டப்பட்டனர். 35 காவலர்களுக்கு மாவட்ட காவல் கண்காணிப்பாளர் ஜெயக்குமார் நேரில் அழைத்து பாராட்டி வெகுமதி வழங்கினார்.