சின்னத்திரை நடிகை சித்ரா தற்கொலை!

பிரபல சின்னத்திரை நடிகை சித்ரா சென்னை அருகேயுள்ள தனியார் விடுதியில் தூக்கிட்டு தற்கொலை செய்துக்கொண்டது அதிர்ச்சியை ஏற்படுத்தியுள்ளது.

29 வயதான சித்ரா, தனியர் தொலைக்காட்சி நிகழ்ச்சியில் தொகுப்பாளினியாக அறிமுகமானார். டிவி சீரியலில் நடித்து சித்ரா பிரபலமடைந்த நிலையில் கடந்த ஆகஸ்ட் மாதம், தொழிலதிபர் ஹேம்நாத் என்பவருடன் அவருக்கு திருமண நிச்சயதார்த்தம் நடைபெற்றது. இந்நிலையில் பூந்தமல்லி அருகே நசரத்பேட்டையில் உள்ள தனியார் விடுதியில் தங்கியிருந்த சித்ரா, இன்று அதிகாலையில் தூக்கிட்டு தற்கொலை செய்துக்கொண்டார். திருமணம் நிச்சயமான ஹேம்நாத் உடன் விடுதியில் தங்கி இருந்ததாகவும், அப்போது அவர்களுக்குள் ஏற்பட்ட தகராறால் சித்ரா தற்கொலை செய்து கொண்டதாகவும் தகவல் வெளியாகி உள்ளது. இந்நிலையில் விடுதியில் இருந்து சித்ராவின் உடலை மீட்ட காவல்துறையினர், உடற்கூறு ஆய்விற்காக கீழ்பாக்கம் அரசு மருத்துவமனிக்கு கொண்டு செல்லப்பட்டது. இதனிடையே நடிகை சித்ராவின் தற்கொலைக்கான காரணம் குறித்து காவல்துறையினர் விசாரித்து வருகின்றனர்.