மருத்துவ நிபுணர்கள் குழுவுடன் முதலமைச்சர் இன்று ஆலோசனை!

கொரோனா பரவலைத் தடுக்கவும், ஊரடங்கால் மக்கள் பாதிக்கடாமல் இருப்பதற்காகவும், பல்வேறு நடவடிக்கைகளை முதலமைச்சர் எடப்பாடி பழனிசாமி மேற்கொண்டு வருகிறார். கொரோனா தடுப்புப் பணியை துரிதப்படுத்துவது குறித்து, மருத்துவ நிபுணர்கள் குழு மற்றும் மாவட்ட ஆட்சியர்கள் உள்ளிட்டோருடன் தொடர்ந்து ஆலோசனை நடத்தி வருகிறார். 4-ஆம் கட்ட ஊரடங்கு நாளை முடிவடையவுள்ள நிலையில், மருத்துவ நிபுணர்கள் குழுவுடன் முதலமைச்சர் எடப்பாடி பழனிசாமி இன்று ஆலோசனை நடத்துகிறார். காணொலிக் காட்சி மூலம் நடைபெறவுள்ள இந்த ஆலோசனையின் போது, கொரோனா தடுப்புப் பணிகள் மற்றும் தமிழகத்தில் ஊரடங்கை நீட்டிக்கலாமா என்பது குறித்தும் ஆலோசனை நடத்தப்படவுள்ளதாக தகவல்கள் வெளியாகியுள்ளன.