முதலமைச்சர் எடப்பாடி பழனிசாமி இன்று மாலை, ஆளுநர் பன்வாரிலால் புரோஹித்தை சந்திக்கிறார்.
கொரோனா வைரஸ் தடுப்பு நடவடிக்கைகள் குறித்து முதலமைச்சர் எடப்பாடி பழனிசாமி, அவ்வப்போது ஆளுநர் பன்வாரிலால் புரோஹித்தை சந்தித்து ஆலோசனை நடத்தி வருகிறார். இந்நிலையில் இன்று மாலை 5 மணியளவில் ஆளுநர் மாளிகைக்கு செல்லும் முதலமைச்சர் எடப்பாடி பழனிசாமி, ஆளுநர் பன்வாரிலாலை சந்தித்து பேசுகிறார். வரும் 14ம் தேதி தமிழக சட்டப்பேரவை கூட்டத் தொடர் தொடங்க உள்ள நிலையில், அதுகுறித்தும் ஆளுநரிடம் முதலமைச்சர் எடுத்துரைப்பார் என தகவல் வெளியாகி உள்ளது.