சென்னை ராணுவ அதிகாரிகள் பயிற்சி மையத்தில், பயிற்சி முடித்தவர்களைப் பணிக்கு வழியனுப்பும் நிகழ்ச்சியில் நடைபெற்ற அணிவகுப்பு பார்வையாளர்களைப் பெரிதும் கவர்ந்தது.
சென்னை பரங்கிமலையில் உள்ள ராணுவ அதிகாரிகள் பயிற்சி மையத்தில் இந்த ஆண்டு 153 ஆண்கள், 30 பெண்கள் என மொத்தம் 183பேர் ராணுவ அதிகாரிகளுக்கான பயிற்சியை முடித்துள்ளனர். இவர்களில் 36பேர் வெளிநாடுகளைச் சேர்ந்தவர்கள். பயிற்சி முடித்துப் பணிக்குச் செல்லும் இவர்களை வழியனுப்பி வைக்கும் நிகழ்ச்சி இன்று நடைபெற்றது. இதையொட்டி பயிற்சி ராணுவ அதிகாரிகளின் அணிவகுப்பு மரியாதையைத் தென் மண்டல ராணுவத் தளபதி சதீந்தர் குமார் சைனி ஏற்றுக்கொண்டார்.