திருவள்ளுவர் தினத்தையொட்டி தமிழக அரசின் சார்பில் திருவள்ளுவர் உருவப்படத்திற்கு அமைச்சர்கள் மலர்தூவி மரியாதை செலுத்தினர்.
உலக பொதுமறை தந்த திருவள்ளுவரின் திருநாள் நாடு முழுவதும் இன்று கொண்டாடப்பட்டு வருகிறது. இதையொட்டி, தமிழ் வளர்ச்சித்துறை சார்பில் சென்னை மெரினா கடற்கரையில் உள்ள திருவள்ளுவர் சிலைக்கு மாலை அணிவித்து அலங்கரிக்கப் பட்டிருந்தது. திருவள்ளுவர் சிலைக்கு கீழே அலங்கரித்து வைக்கப்பட்டிருந்த அவரது உருவப்படத்திற்கு தமிழக அரசின் சார்பில், மீன்வளத்துறை அமைச்சர் ஜெயக்குமார், தமிழ் வளர்ச்சித்துறை அமைச்சர் பாண்டியராஜன், ஊரக தொழில்துறை அமைச்சர் பென்ஜமின் ஆகியோர் மலர்தூவி மரியாதை செலுத்தினர்.