ஸ்பெயின் நாட்டில் காளை விரட்டு நிகழ்ச்சியின் போது மிரண்டு போன காளை, கூட்டத்தில் புகுந்ததில் 10க்கும் மேற்பட்டவர்கள் காயமடைந்தனர்.
வடக்கு ஸ்பெயினில் உள்ள காபாரோஸோ என்ற இடத்தில் பாரம்பரியமிக்க காளை விரட்டுப் போட்டிகள் நடத்தப்பட்டன. அப்போது மைதானத்திற்குள் அவிழ்த்து விடப்பட்ட காளை திடீரென ஓடிச் சென்று பார்வையாளர் மாடத்தில் புகுந்தது. இதையடுத்து மக்கள் அங்குமிங்குமாகச் சிதறி ஓடினர்.
காளையின் காலில் சிக்கியும் இருக்கைகளில் இருந்து தவறி விழுந்தும் 10 பேர் காயமடைந்தனர். தொடர்ந்து சாலைப் பகுதிக்குச் சென்ற காளை, தொடர்ந்து மிரட்சியின் காரணமாக ஓடிச் சென்று புறநகர் பகுதியில் இருந்த கால்வாய்க்குள் விழுந்தது. அதன் பின்னர் அந்தக் காளை பிடிபட்டது.