தம்பியின் திருமணத்திற்கு வருகை தந்த அண்ணன் கடத்தல்

மன்னார்குடியில் தம்பியின் திருமணத்திற்கு வருகை தந்த அண்ணனை அரிவாளுடன் வந்த மர்ம நபர்கள் கடத்தி சென்ற அதிர்ச்சியை ஏற்படுத்தியது.,

திருவாரூர் மாவட்டம் மன்னார்குடியை சேர்ந்த செல்வகுமார் என்பவர், வெளிநாடுகளுக்கு ஆட்களை வேலைக்கு அனுப்பும் ஏஜெண்டாக இருந்து வருகிறார். மேலும், செல்வகுமாருக்கு அவரது நண்பர்களுக்கும் இடையே பணப் பிரச்சனை இருந்து வந்ததாக கூறப்படுகிறது. இந்நிலையில், தனது தம்பியான மணிகண்டனின் திருமணத்திற்கு கேரளாவிலிருந்து வந்த செல்வகுமாரை காரில் அரிவாளுடன் வந்த 4 பேர் கொண்ட மர்ம கும்பல் கடத்தி சென்றுள்ளது. பின்னர் இது குறித்து காவல் துறையினருக்கு புகார் அளிக்கப்பட்டதையடுத்து, சிசிடிவி காட்சிகளை கொண்டு போலீசார் குற்றவாளிகளை தேடி வருகின்றனர்