நீலகிரி மாவட்டம் குன்னூரில் உள்ள சிம்ஸ் பூங்காவில் மழையின் காரணமாக கடந்த 4 நாட்களாக நிறுத்தி வைக்கப்பட்ட படகு சவாரி மீண்டும் தொடங்கியது. இதனால் சுற்றுலா பயணிகள் மகிழ்ச்சி அடைந்தனர். நீலகிரி மாவட்டம் குன்னூரில் உள்ள சிம்ஸ் பூங்காவிற்கு தமிழகம் மட்டுமின்றி பல்வேறு மாநிலங்கள்,வெளிநாடுகளை சேர்ந்த சுற்றுலா பயணிகள் வருகின்றனர். கடந்த 4 நாட்களாக மழை காரணமாக பூங்காவில் உள்ள நீர்நிலைகளில் நீர்வரத்து அதிகமாக காணப்பட்டது.
இதனால் இங்கு படகு சவாரி தற்காலிகமாக நிறுத்தப்பட்டிருந்தது. இந்நிலையில், மழையின் தீவிரம் குறைந்ததால், படகு சவாரி மீண்டும் தொடங்கப்பட்டு உள்ளது. இதனால், குன்னூருக்கு வரும் சுற்றுலாப்பயணிகள் மகிழ்ச்சிய அடைந்துள்ளனர்.