சென்னையில் மெக்கானிக் கடையின் ஜன்னலை உடைத்து மோட்டார் இருசக்கரவாகனம் மற்றும் உதிரி பாகங்கள் திருடிய 2 பேரை காவல்துறையினர் கைது செய்துள்ளனர்.
சென்னை வளசரவாக்கத்தில் கௌசிக்ஸ்ரீராம் என்பவர், மெக்கானிக் கடை நடத்தி வருகிறார். இந்த நிலையில் கடந்த மாதம் இவரது கடையின் ஜன்னல் உடைக்கப்பட்டு கடைக்குள் இருந்த மோட்டார் இருசக்கரவாகனம் மற்றும் உதிரி பாகங்கள், பணம் ஆகியவற்றை மர்ம நபர்கள் கொள்ளையடித்து சென்றனர். இதுகுறித்து அளிக்கப்பட்ட புகாரின் பேரில் தனிப்படைகள் அமைக்கப்பட்டு விசாரணை நடந்து வந்தது. இந்த நிலையில், சம்பவம் நடந்த இடத்திற்கு அருகில் இருந்த கண்காணிப்பு கேமராவில் பதிவான காட்சிகளை வைத்து, ராயப்பேட்டையை சேர்ந்த முகமது மைதீன், தோகித்பாஷா ஆகிய 2 பேரை காவல்துறையினர் கைது செய்துள்ளனர். மேலும் அவர்கள் திருடிய மோட்டார் சைக்கிள், பேட்டரிகள் மற்றும் பணம் ஆகியவற்றையும் பறிமுதல் செய்தனர்.