விபத்துக்குள்ளானதில் சாலையில் தீப்பிடித்த இருசக்கர வாகனம்: இளைஞர் பலி

விழுப்புரம் அருகே தேசிய நெடுஞ்சாலையில் இருசக்கர வாகனம் சாலையில் கவிழ்ந்து, தீப்பிடித்து விபத்துக்குள்ளானதில் இளைஞர் உயிரிழந்தார்.

உளுந்தூர்பேட்டையில் இருந்து விழுப்புரம் நோக்கி சென்ற இருசக்கர வாகனம் ஒன்று, பிடாகம் என்ற இடத்தில் சென்னை – திருச்சி தேசிய நெடுஞ்சாலையில் சென்று கொண்டிருந்தது. அப்போது கட்டுப்பாட்டை இழந்த இருசக்கர வாகனம் சாலை கவிழ்ந்து விபத்துக்குள்ளானது. வாகனத்தில் வந்த இளைஞர் தூக்கி வீசப்பட்டு படுகாயமடைந்தார். விபத்துக்குள்ளான இருசக்கர வாகனம் தீப்பற்றி எரிந்தது. உடனடியாக தகவல் அறிந்த வந்த காவல்துறையினர், வாகனத்தில் பற்றி எரிந்த தீணை அணைத்தனர். விபத்தில் படுகாயம் அடைந்தவரை மீட்டு சிகிச்சைக்காக முண்டியம்பாக்கம் அரசு மருத்துவக்கல்லூரி மருத்துவமனைக்கு அனுப்பி வைத்தனர். ஆனால் செல்லும் வழியில் அந்த இளைஞர் பரிதாபமாக உயிரழந்தார். விபத்து குறித்து போலீசார் வழக்கு பதிவு செய்து விசாரணை செய்து வருகின்றனர். அதிவேகமாக வாகனத்தை ஓட்டி வந்ததே விபத்துக்கும் உயிரிழப்புக்கு காரணம் எனவும் விபத்தை நேரில் பார்த்த மக்கள் தெரிவித்தனர்.