பிகில், கைதி திரைப்படத்தை தொடர்ந்து தீபாவளிக்கு ரிலீசாகும் படங்களின் வரிசையில் தமன்னா நடித்துள்ள “பெட்ரோமாக்ஸ்” படமும் இணைந்துள்ளது.
வரும் அக்டோபர் 27ம் தேதி தீபாவளி பண்டிகை கொண்டாடப்படுகிறது. இதனை முன்னிட்டு தமிழில் நடிகர் விஜய் நடித்த “பிகில்”, கார்த்தி நடிக்கும் “கைதி” ஆகிய படங்கள் வெளியாகும் என அறிவிக்கப்பட்டது. ஆனால் தீபாவளி ஞாயிற்றுக்கிழமை வருவதால் இருபடங்களும் ரிலீசாகும் தேதி இன்னும் அதிகாரப்பூர்வமாக அறிவிக்கப்படவில்லை.
இந்நிலையில் தமன்னா நடித்துள்ள‘பெட்ரோமாக்ஸ்’ திரைப்படமும் தீபாவளி வெளியீடாக திரைக்கு வரும் என தகவல் வெளியாகியுள்ளது. இந்த படத்தில் கதையின் நாயகியாக தமன்னா நடித்துள்ளார். திரில் திரைப்படமாக உருவாகும் இப்படத்தை ராகின் வெங்கடேசன் இயக்குகிறார்.
ஒரு நேரத்தில் விஜய், கார்த்திக்கு ஜோடியாக நடித்தார் தமன்னா. தற்போது அவர்களுக்கு போட்டியாகவே தனது படத்தை களமிறக்க உள்ளார்.