முதுநிலை பொறியியல் படிப்புகளுக்கான மாணவர் சேர்க்கை கலந்தாய்வு சென்னை அண்ணா பல்கலைக் கழகத்தில் இன்று தொடங்கியது.
தமிழகத்தில் எம்.இ., எம்.டெக்., எம்.ஆர்க்., எம்.பிளான் ஆகிய முதுநிலை பொறியியல் படிப்புகளுக்கான மாணவர் சேர்க்கை கலந்தாய்வு இன்று தொடங்கியது. சென்னை அண்ணா பல்கலைக் கழகத்தில் நடைபெற்று வரும் கலந்தாய்வில் இன்று, மாற்றுத்திறனாளி மாணவர்கள், இதர மாணவர்கள் , கேட் மற்றும் டான்செட் தேர்வில் வெற்றி பெற்ற மாணவர்கள் கலந்து கொண்டு தங்களுக்கு பிடித்த கல்லூரி மற்றும் படிப்பை தேர்வு செய்தனர். தொடர்ந்து தரவரிசை பட்டியல் அடிப்படையில் வருகிற 30ம் தேதி வரை மாணவர் சேர்க்கை கலந்தாய்வு நடைபெறுகிறது.