திண்டுக்கல்லில் பெய்து வரும் தொடர்மழை காரணமாக, மல்லிகைப் பூ விளைச்சல் குறைந்துள்ளது. இதனால், பூ விலை அதிகரித்துள்ளதால், விவசாயிகள் மகிழ்ச்சியடைந்துள்ளனர்.
திண்டுக்கல் மாவட்டத்தில், சில நாட்களாக தொடர்ந்து மழை பெய்து வருகிறது. இதனால் மல்லிகை பூ மொட்டுக்கள் செடியிலேயே உதிர்ந்து விடுகின்றன. இதன் காரணமாக, பூ வரத்து குறைந்து காணப்படுகிறது. இதனால், மல்லிகை பூக்களின் தேவை அதிகரித்துள்ளதோடு, மார்கெட்டில் ஒரு கிலோ மல்லிகை பூவின் விலை 2 ஆயிரம் முதல் 2 ஆயிரத்து 500 ரூபாய் வரை விற்பனையாகிறது. இதேபோல், கனகாம்பரம் 700 ரூபாய்க்கும், ஜாதிப் பூ 600 ரூபாய்க்கும் விற்பனையாகிறது. இதனால் விவசாயிகள் பெரும் மகிழ்ச்சியடைந்துள்ளனர்.