கனவு நனவாகியது …சல்மான் கானுக்கு வில்லனாகிய பரத்?

சல்மான் கான் நடிக்கும் ராதே படத்தில் பரத் நடிக்க உள்ளதாக தனது டுவிட்டர் பக்கத்தில் மகிழ்வுடன் பதிவிட்டுள்ளார்.

தமிழ் திரைப்படத்துறையில் ‘பாய்ஸ்’ படத்தின் மூலம் நடிகர் பரத் அறிமுகமானார். இதனை தொடர்ந்து செல்லமே, காதல் , பட்டியல் , எம்-டன் மகன், வெயில், பழனி ,கண்டேன் காதலை, வானம் என பல படங்களில் நடித்து தனக்கென ரசிகர்களை உருவாக்கினார்.

இந்நிலையில் ஸ்ரீ செந்தில் இயக்கத்தில் பரத் நடிப்பில் வெளியாக உள்ள காளிதாஸ் படத்தின் ட்ரெய்லர் வெளியானது . பரத் முதல்முறையாக காவல்துறை அதிகாரியாக நடித்துள்ள இந்தப் படம் விரைவில் திரைக்கு வர இருக்கிறது. ஹுந்தியில் பிரபுதேவா இயக்கத்தில் சல்மான் கான் நடிக்கும் ராதே படத்தில் நடிக்க பரத் ஒப்பந்தமாகியுள்ளார். இப்படத்தில் வில்லன் கதாபாத்திரத்தில் பரத் நடிக்க இருப்பதாகவும் தகவல்கள் வெளியாகியுள்ளது. மேலும் இந்த படத்தை குறித்து பரத் தனது டுவிட்டர் பக்கத்தில் பதிவிட்டுள்ளார்.அதில்’எனது நீண்ட நாள் கனவு நிறைவேறி உள்ளது.இந்திய சினிமாவின் பாராட்டிற்குரிய சல்மான் கானுடன் நடிப்பத்தில் மகிழ்ச்சி எனக் கூறி பிரபுதேவாவுக்கு நன்றி தெரிவித்துள்ளார்.