அரசு பள்ளிகளில் மாணவர் சேர்க்கையை அதிகரிக்கும் விதமாக சென்னையில் தன்னார்வலர்கள் விழிப்புணர்வு ஓவியங்களை வரைந்தனர்.
உதவிடத்தான் பிறந்தோம் என்ற தன்னார்வ தொண்டு நிறுவனத்தைச் சேர்ந்தவர்கள் சென்னை முகப்பேரில் உள்ள அரசு மேல் நிலைப்பள்ளி சுவரில் விழிப்புணர்வு ஓவியங்களை வரைந்தனர். பிளாஸ்டிக் ஒழிப்பு, சுகாதாரம், குடிநீர் சேமிப்பு குறித்த விழிப்புணர்வு ஓவியங்கள் வரையப்பட்டன. அரசு பள்ளிகள் தனியார் பள்ளிகளுக்கு நிகராக செயல்படுவது குறித்தும் அங்கு இலவசமாக தரமான கல்வி அளிக்கப்படுவது குறித்தும் விழிப்புணர்வு ஏற்படுத்தப்பட்டது.