கோவையில் கர்ப்பிணி பெண்களுக்கு இலவச சேவை வழங்கி வரும் ஆட்டோ ஓட்டுனருக்கு பாராட்டுகள் குவிந்த வண்ணம் உள்ளன.
கோவை மாவட்டத்தில் உள்ள நல்லட்டிபாளையத்தில் மேம்படுத்தப்பட்ட அரசு சுகாதார நிலையம் அமைந்துள்ளது. இங்கு வாரம் தோறும் செவ்வாய் கிழமைகளில் கர்ப்பிணி பெண்களுக்கு ஸ்கேன் உள்ளிட்ட வாராந்திர பரிசோதனைகள் நடைபெறுவது வழக்கம். மருத்துவமனை அமைந்துள்ள இடம் பிரதான சாலையில் இருந்து 1கிலோ மீட்டர் தொலைவில் மருத்துவமனை அமைந்துள்ளதால், கர்ப்பிணி பெண்கள் நடந்து செல்ல வேண்டிய நிலை உள்ளது. இவர்களின் சிரமத்தை பார்த்த ஆட்டோ ஓட்டுனர் ராமசாமி என்பவர், ஒவ்வொரு செவ்வாய் கிழமையும் கர்ப்பிணி பெண்களுக்காக இலவச சேவையை வழங்கி வருகிறார். இவரின் இந்த சேவை மனப்பான்மையை அனைவரும் பாராட்டி வருகின்றனர்.