அத்திவரதர் 36 -வது நாளில் இளஞ்சிவப்பு-மஞ்சள் பட்டாடையில் காட்சி

நாற்பது ஆண்டுகளுக்கு ஒரு முறை 48 நாட்கள் உற்சவம் நடைபெறும் அத்திவரதர் தரிசனம் தொடங்கி 36வது நாளை எட்டியுள்ளது. 31 நாட்கள் சயன கோலத்திலும், மீதமுள்ள 17 நாட்கள் நின்ற கோலத்திலும் அத்தி வரதர் காட்சி அளிப்பார். அதன்படி, 36 ஆம் நாளான இன்று நின்ற கோலத்தில் அத்திவரதர் இளஞ்சிவப்பு மஞ்சள் நீலம் கலந்த பட்டாடை உடுத்தி பக்தர்களுக்கு காட்சியளித்து வருகிறார். மல்லிகை, முல்லை, ரோஜா மற்றும் செண்பக பூ உள்ளிட்ட வண்ண பூக்களால் அலங்கரிக்கப்பட்டு பக்தர்களுக்கு அருள்பாலித்து வருகிறார். காலை முதலே அத்திவரதரை பல்லாயிரக்கணக்கான பக்தர்கள் வரிசையில் நின்று தரிசனம் செய்து வருகின்றனர்