தாளவாடி அடுத்த ஆசனூர் வனப்பகுதி ஒட்டியுள்ள தேசிய நெடுஞ்சாலையில், காட்டு யானைகள் முகாமிட்டுள்ளதால் வாகன ஓட்டிகள் எச்சரிக்கையுடன் செல்லுமாறு வனத்துறையினர் அறிவுறுத்தி உள்ளனர்.
ஈரோடு மாவட்டம் தாளவாடி அடுத்த ஆசனூர் வனப்பகுதி அருகே உள்ள தேசிய நெடுஞ்சாலையில், மாலை நேரங்களில் காட்டு யானைகள் முகாமிட்டுள்ளன. இதனால் அந்த வழியாக செல்லும் வாகன ஓட்டிகள் அச்சத்துடன் பயணித்து வருகின்றனர். இந்த நிலையில், தேசிய நெடுஞ்சாலையில் செல்லும் வாகன ஓட்டிகள் வாகனங்களை நிறுத்த வேண்டாம் என்று வனத்துறை அறிவுறுத்தியுள்ளது. யானைகள் முகாமிட்டுள்ள பகுதியில் வாகனங்களை நிறுத்தி புகைப்படம் எடுக்க முயற்சிக்க வேண்டாம் எனவும் வனத்துறையினர் கேட்டுக் கொண்டுள்ளனர். காட்டு யானைகள் வாகனங்களை துரத்தி செல்வதால் வாகன ஓட்டிகள் மிகுந்த எச்சரிக்கையுடன் பயணிக்குமாறு வனத்துறையினர் அறிவுறுத்தியுள்ளது.