டெல்லியில் நடைபெற்று வரும் புரோ கபடி போட்டியில் குஜராத் அணியை அரியாணா அணி வீழ்த்தியது.
புரோ கபடியில் 7 வது சீசன் நடைபெற்று வருகிறது. நேற்று நடந்த ஆட்டத்தில் அரியானா ஸ்டீலர்ஸ், குஜராத் பார்ச்சுன் ஜெயிண்ட்ஸ் அணிகள் மோதின. இதில் தொடக்கம் முதலே சிறப்பாக விளையாடி வந்த அரியானா அணியின் வீரர்கள், புள்ளிகளை குவித்து வந்தனர். குஜராத் பார்ச்சுன் அணியினர் தோல்வியை தவிர்க்க போராடினர். இறுதியில், அரியானா ஸ்டீலர்ஸ் அணி, 41 க்கு 25 என்ற புள்ளி கணக்கில் குஜராத் பார்ச்சுன் ஜெயிண்ட்ஸ் அணியை வீழ்த்தி வெற்றி பெற்றது. இதன் மூலம் அரியாணா ஸ்டீலர்ஸ் அணி புள்ளி பட்டியலில் 3 வது இடத்திற்கு முன்னேறி உள்ளது.