நியூசிலாந்து அணிக்கு எதிரான 3-வது போட்டி சமனில் முடிந்த நிலையில், சூப்பர் ஓவரின் கடைசி 2 பந்தில் ரோகித் சர்மா சிக்சர் விளாசியது நம்பமுடியவில்லை என்று இந்தி நடிகர் அமிதாப் பட்சன் தெரிவித்துள்ளார்.
இந்தியா-நியூசிலாந்தில் அணிகள் மோதிய மூன்றாவது டி20 போட்டி, ஹாமில்டன் நகரில் இன்று நடைபெற்றது. இதில், முதலில் விளையாடிய இந்திய அணி 179 ரன்கள் எடுத்தது. பின்னர், 180 ரன்களை நோக்கி களமிறங்கிய நியூசிலாந்து அணி, 20 ஓவர் முடிவில் 6 விக்கெட் இழப்பிற்கு 179 ரன்களே எடுத்தது. இதனால், ஆட்டம் சமனில் முடிந்தது.
இதனையடுத்து, சூப்பர் ஓவர் முறை கடைபிடிக்கப்பட்டது. இதில், முதலாவதாக ஆடிய நியூசிலாந்து அணி 6 பந்தில் 17 எடுத்தது. இதைத் தொடர்ந்து, 18 ரன்கள் எடுத்ததால் வெற்றி என்ற இலக்குடன் களமிறங்கிய இந்திய அணி வீரர்கள், கடைசி 2 பந்தில் 10 ரன்கள் எடுக்க வேண்டும் என்ற கட்டாயத்திற்கு தள்ளப்பட்டது. அப்போது, பேட்டிங் முனையில் இருந்த துணை கேப்டன் ரோகித் சர்மா 2 பந்துகளையும் சிக்சருக்கு பறக்க விட்டு, அணியை வெற்றி பெற வைத்தார். இதன் மூலம் 5 போட்டிகள் கொண்ட டி20 தொடரில், 3-0 என்ற கணக்கில் இந்திய அணி வென்று தொடரை கைப்பற்றியது.
இந்நிலையில், இந்தி திரையுலகின் மூத்த நடிகரும், சூப்பர் ஸ்டாருமான அமிதாப் பச்சன், இந்தியா-நியூசிலாந்து அணிகள் மோதிய 3-வது இருபது ஓவர் ஆட்டம் குறித்து ட்வீட் செய்துள்ளார். அதில், “சூப்பர் ஓவரில் வெற்றி பெற்ற இந்திய அணிக்கு வாழ்த்துக்கள். கடைசி 2 பந்துகளில் 10 ரன்கள் தேவைப்பட்ட நிலையில், ரோகித் சர்மா அந்த இரண்டு பந்துகளையும் சிக்சர் அடித்தது நம்ப முடியாத வகையில் இருந்ததாக” குறிப்பிட்டுள்ளார்.
T3425 - INDIA INDIAINDIA .. what a victory in the super over .. T20 3rd game vs NZ .. win series .. first time in NZ .. CONGRATULATIONS .. 10 runs needed in 2 balls .. and Rohit hits 2 sixes ..UNBELIEVABLE??????????????????????????
— Amitabh Bachchan (@SrBachchan) January 29, 2020