வேலூர் மாவட்டம் குடியாத்தத்தில் உள்ள அரசு உதவி பெறும் பள்ளியில் நடைபெற்ற முன்னாள் மாணவர்களின் சந்திப்பு நிகழ்ச்சியில், ஒன்று கூடிய மாணவர்கள் 94 ஏழைக் குடும்பங்களைத் தத்தெடுத்தனர்.
குடியாத்தத்தில் உள்ள அரசு உதவி பெறும் பள்ளியான திருவள்ளூவர் மேல் நிலைப் பள்ளியில் கடந்த 1994-ஆம் ஆண்டு 12-ஆம் வகுப்பு படித்த முன்னாள் மாணவர்களின் சந்திப்பு நிகழ்ச்சி நடைபெற்றது.
இதில் 150 முன்னாள் மாணவர்கள் தங்களின் குடும்பங்களுடன் கலந்து கொண்டு பழங்கால நினைவுகளை பகிர்ந்துக் கொண்டனர். நிகழ்ச்சியில் முன்னாள் மாணவர்களின் ஆசிரியர்களுக்கு நினைவு பரிசுகள் வழங்கப்பட்டது.
இதனை தொடர்ந்து முன்னாள் மாணவர்கள் இணைந்து பள்ளிக்கு தேவையான உபகரணங்களை வழக்கியதோடு, 94 ஏழை குடும்பங்களுக்கு தேவையான நிதியுதவி மற்றும் அவர்கள் குழந்தைகளின் கல்வி செலவு உள்ளிட்டவற்றை ஏற்றுக் கொண்டனர்.