உலக கோப்பை துப்பாக்கி சுடுதல் போட்டியில் 3தங்கப் பதக்கங்களை வென்றதன் மூலம் சீனாவைப் பின்னுக்குத் தள்ளி இந்தியா முதலிடம் பிடித்தது.
சீனாவின் புடியான் நகரில் உலகக்கோப்பை துப்பாக்கி சுடுதல் போட்டிகள் நடைபெற்று வருகின்றன. இதில் 10 மீட்டர் ஏர் பிஸ்டல் பிரிவில் இந்தியாவின் மனு பாக்கர் தங்கம் வென்று அசத்தியுள்ளார். அத்துடன் ஜூனியர் பிரிவில் புதிய உலக சாதனையையும் படைத்துள்ளார். அதேபோல், 10 மீட்டர் ஏர் ரைபிள் பிரிவில் பங்கேற்ற தமிழக வீராங்கனை இளவேனில் வாலறிவன் வெற்றி பெற்று தங்கத்தை தன்வசப்படுத்தினார். இதேபோல் ஆண்களுக்கான 10 மீட்டர் ஏர் ரைஃபிள் பிரிவில் திவ்யன்ஷ் சிங் தங்கப்பதக்கத்தை கைப்பற்றினார். ஒட்டுமொத்தமாக 3 தங்கப் பதக்கங்களை வென்ற இந்தியா சீனாவைப் பின்னுக்குத் தள்ளி பதக்கப்பட்டியலில் முதலிடம் பிடித்தது.