மீண்டும் மத்தியில் மோடி ஆட்சிக்கு வந்தால் மக்களுக்கு தேவையான அனைத்து வசதிகளையும் செய்ய முடியும் என வாக்குறுதி அளித்து பொதுமக்களிடம் அதிமுக கூட்டணி திண்டுக்கல் பாமக வேட்பாளர் ஜோதிமுத்து பிரசாரம் மேற்கொண்டார்.
திண்டுக்கல் மாவட்டத்தில் உள்ள பூதிபுரம், அகரம், உலகம் பட்டி உள்ளிட்ட பகுதிகளில் மாம்பழம் சின்னத்தில் பொதுமக்களிடம் வாக்கு சேகரித்தார். அப்போது அப்பகுதி மக்கள் அவருக்கு ஆரத்தி எடுத்து சிறப்பான வரவேற்பை அளித்தனர். மேலும் இப்பகுதிகளில் உள்ள தேவாலயங்கள் மற்றும் இந்து கோவில்களில் வழிபாடு மேற்கொண்டார்.